«Музыка – әлемді біріктіруші күш» мерекелік іс-шара
2023 жылдың 03 қазан күні «Педагогика» кафедрасының аға оқытушылары Асантаева Ұ.С., Бабанова А. ұйымдастыруымен «Музыка - әлемді біріктіруші күш» атты мерекелік іс-шара атап өтілді. Мерекелік іс-шараға университет әкімшілігі мен профессор-оқытушылар құрамы, студенттер қатысты.
Халықаралық музыка күнінің шығу тарихымен таныстырылып, университеттің «Гәккулі мекен» хор ұжымы классикалық әндерімен ашты. «Музыкалық білім» білім беру бағдарламасы бойынша білім алушы студенттер мерекелік кеште өнер көрсетті. Вокал номинациясы бойынша шығармашылық байқауының бас жүлдегері А. Еспаев «Байтақ елім», «Желсіз түнде жарық ай», Ж.Турсымуратов «Сыған серенадасы», М.Шарапов «Синяя вечность», А. Жұмағалиева «Қазағым» халық термесі, М.Шиндаулет Құрманғазының күйі «Адай», Ж.Тұрсымуратов «Құстар», Г.Нартайқызы «Бір үйдің баласындай», Н. Лесбектің орындауында «Дариға жүрек» және т.б әндері шалқыта шырқалып, көрермендердің көңілінен шықты.
