«Жасанды интеллект - заманауи ақпараттық технологиялардың негізі»
Шымкент университетінде «Жасанды интеллект - заманауи ақпараттық технологиялардың негізі» атты Республикалық жалпы орта білім беретін мектеп оқушылары арасындағы спорттық робототехникадан өңірлік чемпионат (олимпиада) өтті.
Олимпиадаға Түркістан облысынан, Шымкент қаласынан 300 ге жуық оқушылар қатысып, өздерінің талантарын, білімдерін, шығармашылығын көрсетті.
Мақсаты: Өңір оқушыларының робототехникаға шығармашылық және кәсіби өсуін ынталандыру, озық тәжірибелерін жинақтау және тарату, өзіне деген сенімділікті, сыни ойлауды, тәжірибеге бағытталған оқыту арқылы жобалау дағдыларын және топтық жұмыс дағдыларын дамытады.
Байқауды ұйымдастыру жұмыстарын үйлестіру және жүзеге асыру үшін Шымкент Университеті ректорының бұйрығы негізінде ұйымдастыру комитеті құрылды. Ұйымдастыру комитетінің құрамына университет басшылығы, кафедра меңгерушілері, орталық әдіскерлері, «ROBOTURKESTAN» Түркістан облысы білім беру және спорттық робототехника федерациясы» қоғамдық бірлестігі кірді. Жалпы жарыс келесі категориялардан тұрады.
- «Шығармашылық робопроект» санаты»
- «Тосын сый» роботтар жарысы
- «Робосумо» роботтар жарысы
