«Ғылым жолындағы ізденістер мен жетістіктер: профессор Абилев Серікбай Каримовичтің тағылымы» атты дөңгелек үстел!
2025 жылдың 1 қазанында университетімізде Ресей Ғылым академиясы Н.И. Вавилов атындағы «Жалпы генетика» институты және Ломоносов атындағы Мәскеу мемлекеттік университеті профессоры, биология ғылымдарының докторы, генетика саласында 100 ден астам бірнеше іргелі ғылыми еңбектердің авторы, халықаралық деңгейде танылған белгілі ғалым – Абилев Серікбай Каримовичпен кездесу өтті! Кездесудің мақсаты – Профессор Абилев Серікбай Каримовичтің ғылыми жолы мен тәжірибесімен таныстыру, жас ғалымдарға үлгі-өнеге көрсету және заманауи генетика ғылымындағы өзекті мәселелерді талқылау және халықаралық ынтымақтастық тәжірибесін бөлісу. Кездесу барысында заманауи генетиканың дамуы және оның медицина мен ауыл шаруашылығындағы қолданылуы жөнінде ойлар ортаға салынды.
