Низами атындағы Ташкент мемлекеттік педагогикалық университетінен тартылған ғалымдар
Шымкент университетінде Низами атындағы Ташкент мемлекеттік педагогикалық университетінің профессорлары ұйымдастырған дәрістер сәтті өтті. Режеметова Нулифар мен Қалдыбекова Анаргүл 6B01402 «Музыкалық білім» және 6В01301 «Бастауышта оқыту педагогикасы мен әдістемесі» бағыттары бойынша оқитын студенттер үшін қызықты дәрістер өткізді.
Режеметова Нулифар, Phd, доцент «Балалар музыкасы музыкалық өнердің ерекше саласы ретінде», «Мектепке дейінгі музыкалық педагогиканың ойын түрлерін жаңғырту» және «Оқушылардың музыкалық білім беру әдістемесінің негіздері» тақырыптарында дәріс оқыды.
Педагогика ғылымдарының кандидаты, доцент Қалдыбекова Анаргүл өз сабақтарын оқушылардың ғылыми дүниетанымын және ақыл-ой тәрбиесін қалыптастыру мәселелеріне арнады, сондай-ақ тәрбие процесінің мәнін, мазмұны мен заңдылықтарын ашты.
Шетелдік профессорлар ұйымдастырған бұл курстар Шымкент университетінің студенттері үшін нағыз оқиға болды. Олар көшбасшылықтың озық әдістемелерін меңгеруге және педагогика мен музыкалық білім беру саласындағы жетекші азиялық ғалымдардың ең өзекті ғылыми жетістіктерімен танысуға мүмкіндік алды.
