Анкара Хажы Байрам Вели университеті мен Шымкент университеті ынтымақтастық туралы Меморандумға қол қойды.

     2024 жылдың 19 қарашасында Түркияда Анкара Хажы Байрам Вели университеті мен Шымкент университеті ынтымақтастық туралы Меморандумға қол қойды. Салтанатты рәсімге түрік университеттерінің бірнеше профессорлары қатысты, соның ішінде Анкара университетінен Гундогду Абдулла, Хаджеттепе университетінен Алтун Ариф, Хаджи байрам Вели университетінен Мехмет Топлу және Ататүрік университетінен Адыгузель Седат.
     Іс-шараға профессорлардан басқа факультет декандары, кафедра меңгерушілері және Ғылым және Халықаралық ынтымақтастық департаменттерінің өкілдері қатысты. Айта кетсек, 2013 жылдан бастап Шымкент университеті Анкара, Хаджеттепе және Гази университеттерімен білім беру саласындағы байланыстарды белсенді дамытып келеді.