"Мұхтар Шаханов - Тәуелсіздік - тұғырым"
Шымкент университетінің Әлеуметтік және тәрбие істері, жастар саясаты департаменті мен жастар ұйымының ұйымдастыруымен 10.12.2024 күні "Тәуелсіздік күніне" арналған "Мұхтар Шаханов - Тәуелсіздік - тұғырым" атты әдеби-патриоттық кеш өтті. Кешке Қазақстанның Еңбек Ері, аңыз адам Мұхтар Шаханов шақырылды.
Кездесу шығармашылық, поэзия кеші ретінде өтті. Студенттер ақынның өлеңдерін мәнерлеп оқып, сөзіне жазылған әндерді орындады. Шаханов жастардың сұрақтарына жауап беріп, тәрбиелік мәні зор ақылымен бөлісті. Сонымен қатар, желтоқсан ардагерлері де қонақта болып, естеліктерімен бөлісті.
Кештің соңында Мұхтар Шаханов университет кітапханасына келіп, студенттерге ақ батасын берді. Оқытушылар мен студенттер ақын ағаның "Арыс жағасында" әнін бірге шырқап, қоштасты.
Бұл кеш жастарды патриотизм рухында тәрбиелеу, тарихи жадын сақтау және ұлттық құндылықтарды бойына сіңіру мақсатында өткен маңызды шара болды.
