27.03.2025 жылы «Математика және информатика» кафедрасы №24 С.Ерубаев атындағы мектеп-лицейі және №12 М.Тасов атындағы мамандандырылған мектеп интернатымен бірлесіп, білім алушылардың кәсіби құзыреттілігін арттыру, теориялық білімді практикалық дағдылармен ұштастыру және еңбек нарығымен тығыз байланыс орнату мақсатында жетекші жұмыс берушілердің қатысуымен бірлескен іс-шара өткізді.
Іс-шараға ақпараттық технологиялар, бағдарламалық қамтамасыз ету, деректерді талдау, білім беру және өндіріс салаларында қызмет атқаратын ұйымдар мен мекемелердің өкілдері қатысты. Шара барысында жұмыс берушілер өз компанияларының қызмет бағыты, қазіргі заманғы ІТ саласындағы өзекті талаптар, жас мамандарға қажетті кәсіби және soft skills дағдылар туралы жан-жақты ақпарат берді.
Кездесу барысында студенттер мен түлектер үшін өндірістік тәжірибеден өту, дуальды білім беру, тағылымдамалар мен жұмысқа орналасу мүмкіндіктері талқыланды. Сонымен қатар жұмыс берушілер нақты жобалар мен практикалық кейстерді ұсынып, студенттерге өз білімдерін тәжірибеде қолданудың маңыздылығын көрсетті. Ашық пікірталас форматында өткен сұрақ-жауап сессиясы студенттердің кәсіби бағдарын айқындауға және еңбек нарығындағы талаптарды терең түсінуге мүмкіндік берді.
Кафедра оқытушылары жұмыс берушілермен білім беру бағдарламаларын жетілдіру, оқу жоспарларын жаңарту және пән мазмұнын нарық сұранысына сәйкестендіру мәселелерін талқылады. Бұл өз кезегінде түлектердің бәсекеге қабілеттілігін арттыруға және оқу процесінің сапасын жақсартуға ықпал етеді.
Іс-шара қорытындысы бойынша кафедра мен жұмыс берушілер арасында болашақта бірлескен жобаларды іске асыру, қонақ дәрістер өткізу, практикалық сабақтар мен шеберлік сыныптарын ұйымдастыру туралы келісімдер жасалды. Мұндай кездесулер студенттердің кәсіби дамуына, жұмыс берушілермен тұрақты серіктестік орнатуға және білім беру мен өндіріс арасындағы байланысты нығайтуға үлкен үлес қосады.