Шымкент университетінің Экология және биология ғылыми-зерттеу институты мен Малайзия Путра университетінің Биотехнология және биомолекулалық ғылымдар факультеті Биопроцестер департаменті арасындағы меморандум
Экология және биология ғылыми-зерттеу институтының директоры, биология ғылымдарының докторы Исаева Акмарал Умирбековна мен Биомолекулалық ғылымдар факультетінің Биопроцестер департаментінің жетекшісі, PhD докторы Нор Айни Абдул Рахман ынтымақтастық туралы меморандумға қол қойды. Бұл меморандум ғылыми зерттеулер мен тәжірибе алмасу саласындағы ынтымақтастықты қамтиды. Халықаралық ынтымақтастықты дамыту үшін олар қоршаған ортаны ластау проблемаларын зерттеу және шешу жолдарын, ғылыми тәжірибе алмасуды және гранттық қаржыландыру конкурстарына бірлескен ғылыми жобаларды дайындауды қамтитын бірлескен шығармашылық іс-шараларды ұйымдастырады.
