Шымкент университетінің студенттері Шымкент қаласының ЕДБ өкілдерімен кездесті

 15 қарашада «Бизнес және басқару» кафедрасы «Есеп және аудит», «Қаржы» мамандықтарының 1-3 курс студенттері үшін «Қазақстандағы банк секторының даму бағыты» тақырыбында дөңгелек үстел өткізді. Студенттер университеттің мәжіліс залында Шымкент қаласындағы екінші деңгейлі банктердің жетекші қызметкерлерімен кездесті. «Freedom» банк басқармасының басшысы Қайыпбаева Ажар, «Freedom» банк менеджерлері Сихимбаев Айбек, Нұран Алида және «Отбасы банкінің» жетекші-кеңесшісі Жанар Өскенбаева банк секторының бүгінгі жай-күйіне, Қазақстанда жинақ жүйесі мәселелеріне, банктік несиелердің түрлеріне жан-жақты тоқталды.