Шымкент университетінде «Жаңа экономикалық бағдар басымдықтары – Жаңа Қазақстанды құру жолындағы қадам!» атты дөңгелек үстел өтті
2022 жылдың 21 қыркүйегінде Шымкент университетінде Бизнес және басқару кафедрасының ұйымдастыруымен «Жаңа экономикалық бағдар басымдықтары – Жаңа Қазақстанды құру жолындағы қадам!» тақырыбында дөңгелек үстел өтті. Іс-шараның ашылуында университеттің ғылым істері жөніндегі проректоры, ауыл шаруашылығы ғылымдарының докторы Нұржан Әжіметов жиналғандарды құттықтап, Президент Қасым-Жомарт Тоқаевтың қыркүйек айындағы Жолдауында еліміздің одан әрі ілгерілеуінің стратегиялық бағдары қалануын, өркендеген мемлекеттің қалыптасуына әрбір азамат өзінің лайықты үлесін қосуы тиіс екенін атап өтті.
Баяндамашылар болып жаратылыстану-гуманитарлық факультетінің деканы, х.ғ.к., доцент Шыңғысбаев Б.М.; Академиялық қызмет бөлімінің меңгерушісі, ауыл шаруашылығы ғылымдарының кандидаты Л.М. Мамбетова, сондай-ақ шақырылған қонақтар: бизнес-тренер, кеңесші А.Сарсенова; жеке ұйымның есепшісі А.Сейдулла; «ENERGY» даму орталығының директоры, психология ғылымдарының докторы Г.А. Шалғынбаева; доцент Қ.М. Қалықұлов сөз сөйледі.
Іс-шараға барлығы 30-дан астам қатысушы қатысты. Дөңгелек үстелге қатысушылар баяндамашыларға сұрақтар қойып, оларға толық жауаптар алынды.
