Кафедра меңгерушісі
Өтебаева Шолпан Керімбайқызы
Педагогика ғылымдарының кандидаты
Өмірбаяны
Өтебаева Шолпан Керімбайқызы 17.02.1957 жылы ОҚО, Сайрам ауданы, Калинин ауылында туылған. 1980 жылы Алматы қаласындағы Қыздар мемелекеттік институтын «Математика» мамандығы бойынша бітіріп шықты.
1980-1990 жылдар аралығында Сайрам ауданында математика пәнінің мұғалімі және оқу ісі жөніндегі директордың орынбасары қызметін атқарды.
1990-1996жылдарда М.Әуезов атындағы Шымкент педагогикалық институтында «Педагогика» кафедрасында аға оқытушы қызметін атқарды. 15 ғылыми мақаласы жарыққа шықты.
1996-2003жылдар арасында Сарыағаш ауданында математика пәнінің мұғалімі және бастауыш сынып оқу ісі жөніндегі директордың орынбасары қызметін атқарды.
2003 жылдан қазіргі таңға дейін Шымкент университетінде қызмет атқарып келеді.
2010 жылы 13.00.02 - оқыту және тәрбиелеу теориясы мен әдістемесі (бастауыш, орта және жоғары білім беру жүйесіндегі математика) Педагогика ғылымдарының кандидаты ғылыми дәрежесін алды.
2011 жылы «Кәсіподақ ұйымының үздігі» медалімен марапатталған. 2012 оқу жылынан бастап Шымкент Университетінің «Математика және Информатика» кафедрасының меңгерушісі қызметін атқарып келеді. 2003-2016 жылдар аралығында 30-дан астам ғылыми мақалалары халықаралық, республикалық конференцияларда жарық көрді.
Өндірістік іс-тәжірибе базасы
Мамандықтар сипаттамасы
Физика, Информатика мамандығы 2000-2001 оқу жылында ашылды. «Жаратылыстану пәндері» кафедрасының құрамында болды. 2001-2002 оқу жылында жаңадан ашылған «Математика-Экономика пәндері» кафедрасына қосылды. 2002-2003 оқу жылында дербес «Физика және информатика» кафедрасы болып құрылды. 2012-2013 оқу жылынан бастап «Математика және информатика» кафедрасы болып жұмыс жасап келеді.
Кафедра меңгерушілері қызметін атқарғандар:
2000-2001 оқу жылы - п.ғ.к., доцент Атемова Қ.
2001-2002 оқу жылы- э.ғ.д., профессор Отаров Ә.
2002 ж. қыркүйек - қараша - э.ғ.д., профессор Отаров Ә.
2002 ж. қараша 2003ж. наурыз – ф.-м.ғ.к., доцент Байғабылов А.
2003 ж. наурыз – 2003 ж. маусым – х.ғ.к., аға оқытушы Мары А.
2003 ж. қыркүйек - желтоқсан -т.ғ.к., аға оқытушы Ақылбаев М.
2004 -2007 оқу жылы ф.-м.- ғ.к., доцент Юнусов А.
2007-2009 жж – ф.-м.-ғ.к., доцент Байжұманов А.
2009ж-2012ж ф.-м.-ғ.к., доцент Бекбаев С.М.
2012 ж. қыркүйек айынан бастап -п.ғ.к., аға оқытушы Өтебаева Ш.К.
